Qoraqalpog‘istonda avtomashina yo‘l chetidagi beton simyog‘ochga kelib urildi. Ikki kishi halok bo‘ldi

Qoraqalpog‘iston Respublikasining Qonliko‘l tumanida 2019 yil 24 iyul kuni soat 11:40larda Amudaryo tumanida yashovchi 33 yoshli I.D. boshqaruvidagi “VAZ-2107” rusumli avtomashinasini “G‘uzor-Buxoro-Nukus-Beyneu” yo‘lida haydab ketayotib, boshqaruvni eplay olmay yo‘l chetidagi beton simyog‘ochga urilib, to‘qnashuv sodir etgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, natijada avtomashinaning ikki nafar yo‘lovchisi jarohat olib voqea joyida vafot etgan hamda haydovchi I.D. va yana bir nafar yo‘lovchisi 19 yoshli A.A.lar jarohat olib kasalxonaga yotqizilganlar. 

Holat yuzasidan jinoyat ishi qo‘zg‘atilib, tergov harakatlari olib borilmoqda.