Isroil Alyaskada raketaga qarshi tizimning maxfiy sinovini muvaffaqiyatli o‘tkazdi

Isroil bosh vaziri Binyamin Netanyaxu AQShning Alyaska shtatida "Xets-3" ("O‘q-3") raketaga qarshi tizimi maxfiy sinovi o‘tkazilganini ma'lum qildi.

"Keyingi bir necha hafta mobaynida "Xets-3"ni uch marta maxfiy sinovdan o‘tkazdik. Sinovlar AQShning Alyaskasida buyuk ittifoqchimiz – Qo‘shma Shtatlar bilan to‘liq hamkorlikda o‘tkazildi. Sinovlar muvaffaqiyatli o‘tdi", - deb yozdi Netanyaxu Twitter sahifasida.

"Xets-3" 100 km balandlikda 400-2500 km masofada havodagi nishonlarni yo‘q qilishga mo‘ljallangan. Isroil mudofaa vazirligi bu tizimni AQSh raketaga qarshi mudofaa agentligi bilan hamkorlikda ishlab chiqargan.