AQSh Albaniyadagi shahar meriga qarshi sanksiyalar kiritdi

Foto: TASS/UIG/LOOP IMAGES/Eric Nathan

AQSh Albaniyadagi Durres shahri meri Vangyush Dakoni korrupsiyaga aloqadorlikda ayblab unga qarshi sanksiyalar kiritdi. Bu haqda davlat departamenti matbuot xizmati xabar berdi.

"Davlat kotibi Albaniyaning Durres shahri meri Vangyush Dakoni jiddiy korrupsiyaga aloqadorligi bois sanksiyalar ro‘yxatiga kiritish to‘g‘risida qaror qabul qildi", - deyiladi xabarda.

Xabarda aytilishicha, Dako bilan birga uning oila a'zolari ham ro‘yxatga kiritilgan. Cheklovlarga ko‘ra, ularga AQSh hududiga kirish taqiqlanadi.

Avvalroq mahalliy OAV Dako hamda u a'zo bo‘lgan Albaniya sotsialistik partiyasini 2017 yilgi saylovlarda saylovchilar ovozini sotib olishda va uyushgan jinoyatchilar bilan hamkorlikda ayblagandi.