Fransiyada o‘rmon yong‘inini o‘chirayotgan samolyot qulab tushdi

Foto: RIA Novosti / Sergey Mamontov

Fransiyaning Gar departamentida o‘rmon yong‘inini o‘chirayotgan samolyot-amfibiya Jyenerak kommunasida qulab tushdi. Bu haqda France Info xabar berdi.

Xabarda aytilishicha, voqea 3,4 tonna suv sig‘adigan Tracker samolyoti bilan yuz bergan. Samolyot hafta boshidan buyon davom etayotgan o‘rmon yong‘inini o‘chirishga jalb etilgandi.

Samolyot ekipaji taqdiri haqida hozircha aniq ma'lumot yo‘q.

Ma'lum qilinishicha, voqea joyiga qutqaruvchilar yo‘l olgan.