Sug‘urtalovchilarning jami kapitali 2,4 baravar oshadi

Bunday imkoniyat sug‘urta tashkilotlari ustav kapitalining minimal miqdorini 2020-2022 yillarda bosqichma-bosqich oshirish tufayli yuzaga keladi, deb yozmoqda Norma.

Eslatib o‘tamiz, sug‘urtalovchining boshlang‘ich ustav kapitali muassislar tomonidan litsenziya olish paytiga shakllantirilgan bo‘lishi va belgilangan minimal miqdordan kam bo‘lmasligi kerak. Ustav kapitali kamida 90% muassislarning (ishtirokchilarning) pul mablag‘lari bilan shakllantiriladi. Kreditga, garovga olingan mablag‘lar va boshqa jalb qilingan mablag‘lardan foydalanish mumkin emas.

Sug‘urta tashkilotlarining jami ustav kapitali 2019-2022 yillarda 2,4 baravar – hozirgi 0,8 dan 1,2 trln so‘mgacha oshirilishi kerak. Xususan, sug‘urtalovchilar (qayta sug‘urtalovchilar) ustav kapitalining minimal qiymatini bosqichma-bosqich oshirish bunday natijalarga erishishda yordam beradi.

mlrd so‘m

Sug‘urta faoliyatining turlari	Amaldagi qiymat	2020 yil 1 iyuldan	2022 yil 1 iyuldan
Ixtiyoriy sug‘urta:
umumiy sug‘urta	7,5	15	20
hayotni sug‘urta qilish tarmog‘ida	10	15	20
Majburiy sug‘urta (umumiy sug‘urta yoki hayotni sug‘urta qilish tarmog‘ida)	15	25	35
Faqat qayta sug‘urta	30	35	45