Turkmanistondan yuk mashinasi olib berishni va'da qilib, 18 000 dollarga «uxlatgan» shaxsga jinoyat ishi ochildi

Illyustrativ foto

2019 yil 1 iyul kuni Buxoro viloyatining Jondor tumanida yashovchi 39 yoshli J.Q. IIBga murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu yil aprel oyida Olot tumanida yashovchi 47 yoshli N.D. Turkmaniston Respublikasidan “HOWO” rusumli yuk avtomashinasi olib berishini va'da qilib, Olot chegara bojxona kompleksi oldida 18000 AQSh dollarini olganligi va bergan va'dasini bajarmasdan ushbu pullarni o‘z ehtiyojlari uchun ishlatib yuborganligini ma'lum qilgan.

Holat yuzasidan jinoyat ishi qo‘zg‘atilib, tergov harakatlari olib borilmoqda.