Tanishining uyini sotib yuborgan shaxs ushlandi

2019 yil 25 iyul kuni Farg‘ona shahar prokuraturasidan IIBga hujjatlar to‘plami tushgan. Bu haqda O‘zbekiston Respublikasi IIV Jamoatchilik va OAV bilan aloqalar boshqarmasi xabar bermoqda.

Unda fuqaro 61 yoshli V.T.ning yozgan ariza yuzasidan olib borilgan surishtiruv ishlari natijasida, V.T.ga ota-onasi tomonidan meros sifatida qoldirilgan, Farg‘ona shahri Motrudiy ko‘chasidagi xonadonni uning tanishi, Toshloq tumanida yashovchi 42 yoshli S.Yu. V.T.ning Rossiya davlatida bo‘lganidan foydalanib, fuqaro I.D.ga 13000 AQSh dollariga sotib yuborganligi aniqlangan.

Holat yuzasidan jinoyat ishi qo‘zg‘atilib, S.Yu. ushlangan. Tergov harakatlari olib borilmoqda.