9061 USD +179.00

10092.1 EUR +163.84

138.47 RUB +2.09

10926.7 GBP +151.91

16:30 / 09.08.2019 1906

Ташқи ишлар вазирлигида Ҳиндистон элчиси билан учрашув бўлиб ўтди

Фото: Flickr / Ravinder M. A.

8 август куни Ўзбекистон ташқи ишлар вазири ўринбосари Дилшод Ахатов Ҳиндистоннинг фавқулодда ва мухтор элчиси Сантош Жа билан учрашди. Бу ҳақда Ўзбекистон Ташқи ишлар вазирлиги матбуот хизмати хабар қилди.

Суҳбат чоғида Ўзбекистон-Ҳиндистон муносабатларининг ҳолати кўриб чиқилди ва ҳамкорликнинг истиқболли йўналишлари юзасидан фикр алмашилди.

Музокаралар чоғида Ўзбекистонда амалга оширилаётган қўшма инвестицион лойиҳаларда Ҳиндистон томони иштирок этишининг амалий жиҳатлари муҳокама қилинди.

Суҳбат чоғида Ҳиндистон вакилларининг шу йил сентябрь ойида Қўқон шаҳрида бўлиб ўтадиган биринчи Халқаро ҳунармандчилик фестивалида иштирок этишига қизиқиш билдирилди.

Шунингдек, учрашувда турли даражалардаги Ўзбекистон-Ҳиндистон тадбирларини ташкил этиш масалалари муҳокама қилинди.

Top