Gibraltar AQSh talabiga ko‘ra Eron tankerini ushlashga hech qanday sabab topmadi

Gibraltar rasmiylari Eronning Grace 1 neft tankerini hibs qilish talabini u mahalliy va Yevropa qonunlarini buzmayotgani bilan asoslab rad etdi, deb xabar berdi Gibraltar Chronicle nashri.

Gibraltar hukumati AQShning pozitsiyasini uning Eronga qarshi sanksiyalari bilan bevosita bog‘liqligi bilan tushuntirdi. Biroq Gibraltarda va umuman olganda Yevropa Ittifoqida Eronga qarshi bunday sanksiyalar mavjud emas.

Gibraltar hukumatining bayonotida aytilganidek, Yevropa Ittifoqining Eronga qarshi sanksiyalar rejimi AQShnikidan tubdan farq qiladi.

Tanker Buyuk Britaniyaning tashabbusi bilan cheklovlarni chetlab o‘tib Suriyaga neft yetkazishga uringani uchun ushlangan edi. Ammo keyinroq Tehron yuklarni Suriyaga yetkazmasligiga yozma ravishda va'da berganidan so‘ng kemani qo‘yib yuborishga qaror qilingan. G‘arbning bir qator ommaviy axborot vositalarida Grace 1 tankerini hibsga olish ortida aslida Eronga nisbatan keskin pozitsiyasi bilan tanilgan AQSh prezidentining maslahatchisi Jon Bolton turgan bo‘lishi mumkinligi aytilgan.

Ayni paytda tanker Gibraltarda yangi ekipajini kutmoqda.