«Ipak Yo‘li» Master Card tizimdagi kartalarga xizmat ko‘rsatish tizimini ishga tushirdi

2019 yil 16 avgustdan e'tiboran «Ipak Yo‘li» aksiyadorlik innovatsion tijorat banki Master Card tizimida ishlayotgan kartalarga o‘z terminal va bankomat tarmoqlari orqali xizmat ko‘rsatishni boshladi.

«2018 yilda biz mazkur to‘lov tizimida prinsipial a'zolikni qo‘lga kiritdik. Hozirgi kunda biz loyihaning birinchi qismini amalga oshirdik, ya'ni Master Card tizimidagi kartalarni o‘zimizning terminal va bankomat tarmoqlarida xizmat ko‘rsatishni yo‘lga qo‘ydik», – deya ta'kidlaydi chakana savdo rivojlantirish boshqarmasining boshlig‘i Umid Ismailov.

Eslatib o‘tamiz, hozirgi kunda «Ipak Yo‘li» bank keng tarqalgan va xalqaro tizimida ishlayotgan Visa va Union Pay kartalarga xizmat ko‘rsatadigan bankomat tarmog‘iga ega.

Bank vakillari fikrlariga ko‘ra, Master Card ekvayring (mazkur tizimda ishlayotgan kartalarni hisob-kitobda ishlatilishi) tizimini joriy qilishi xalqaro kartalar xizmat ko‘rsatish bozorini egallashga yordam beradi, chunki O‘zbekistonga tashrif qilayotgan chet elliklarning 50 foizi aynan ushbu to‘lov tizimida ishlayotgan kartalardan foydalanadi.

«Ipak Yo‘li» banki, shuningdek, Master Card kartalarining emissiyasi bilan ham shug‘ullanadi. Mazkur loyihani amalga oshirish 2019 yilning to‘rtinchi kvartaliga mo‘ljallangan.

Reklama huquqi asosida