«Ipak Yo‘li» banki ketma-ket uchinchi yil O‘zbekiston Respublikasida savdoni moliyalashtirish sohasida Osiyo Taraqqiyot banki tomonidan yetakchi hamkor bank deya tan olindi. Osiyo Taraqqiyot banki bilan “Savdo va yetkazib berish zanjirini moliyalashtirish” (TSCFP) dasturi doirasidagi hamkorlik natijalariga ko‘ra, 2021 yil iyunidan 2022 yil iyuniga qadar bo‘lgan davr oralig‘ida «Ipak Yo‘li» banki O‘zbekiston banklari orasida savdoni moliyalashtirish bo‘yicha eng ko‘p kelishuvlarni amalga oshirdi.
«Ipak Yo‘li» bankining mazkur e’tirofga ketma-ket uchinchi marotaba sazovor bo‘lishi uning savdoni moliyalashtirish doirasida mijozlarga dokumentar amaliyotlar sohasida xizmatlarini taqdim etish bo‘yicha O‘zbekistondagi eng yaxshi bank ekanligini ko‘rsatadi.
OTB tomonidan mukofotni topshirish marosimi 2022 yil 6 sentabr kuni Singapurda bo‘lib o‘tdi, unga xalqaro tashkilotlar (BMT, SWIFT) vakillari va Osiyo mamlakatlaridan ko‘plab boshqa banklar taklif etildi. Ipak Yo‘li banki tomonidan mukofotni Boshqaruv raisi o‘rinbosari Mirtursunov Davron Shavkatovich va savdoni moliyalashtirish bo‘limi boshlig‘i Bobojonov Shuhrat Atxamovich qabul qilib oldi.
Bugungi kunda «Ipak Yo‘li» banki innovatsion yechimlarni taklif etish orqali savdoni moliyalashtirish bo‘yicha o‘z mahsulotlari qamrovini kengaytirishda davom etmoqda va bu orqali mijozlarini xizmatlarining sifati, hamyonbopligi va tezkorligi bilan quvontirib kelmoqda!
Reklama
