Britaniyaning Defender esminetsi savdo kemalarini qo‘riqlash uchun Hurmuz bo‘g‘oziga yuborildi

Britaniyaning HMS Defender esminetsi Hurmuz bo‘g‘ozida xavfsizlikni ta'minlash bo‘yicha AQSh boshchiligidagi dengiz missiyasiga qo‘shiladi. Bu haqda Qirollik harbiy-dengiz kuchlari matbuot xizmati xabar qildi.

Birlashgan Qirollik mudofaa vaziri Ben Uollesning aytishicha, "Buyuk Britaniya kemalar erkinligini har doim himoya qilishga tayyor".

Avvalroq Davlat departamenti Vashington Fors ko‘rfazi hududida kemalar erkinligini ta'minlash uchun koalitsiya tuzayotganini ma'lum qilgandi. 23 iyul kuni AQSh davlat kotibi Maykl Pompeo koalitsiyaga turli hududlardagi davlatlarning qo‘shilishini taklif qilgandi.