Zelenskiy Putin bilan «normand formati» doirasida uchrashishga kelishib olganini ma'lum qildi

Ukraina prezidenti Vladimir Zelenskiy Rossiya prezidenti Vladimir Putin bilan «normand formati» sammiti doirasida uchrashuv o‘tkazishga kelishib olganini bildirdi. 

«Biz bu borada ikkinchi suhbatimizda gaplashdik va uchinchi muloqotimiz «normand formati»dagi yuzma-yuz uchrashuvda bo‘ladi, biz buni rejalashtirganmiz»,— dedi u «1+1» telekanaliga bergan intervyusida.

Zelenskiyning fikricha, G‘arb yetakchilari ishtirokida «kelishuv va imzolashlar» bo‘lib o‘tishi mumkin.

Avvalroq Fransiya prezidenti Emmanyuel Makron sentyabrda oliy darajadagi «normand to‘rtligi» (Germaniya, Fransiya, Rossiya, Ukraina) uchrashuvi o‘tkazilishini ma'lum qilgandi. U uchrashuvning aniq muddatini aytmagan, Putin va Zelenskiy bilan sammit rejasini muhokama qilganini bildirgandi.