17:23 / 08.09.2019
0
21532

Hindiston S-400 sotib olish uchun pul o‘tkazdi

Foto: RIA Novosti / Sergey Pivovarov

Hindistonga S-400 majmualari 18-19 oy ichida yetkazib beriladi, shartnoma uchun bo‘nak to‘landi, deb ma'lum qildi Rossiya bosh vaziri o‘rinbosari Yuriy Borisov.

Rossiya va Hindiston 2018 yil oktyabrda S-400 majmualari yetkazib berish bo‘yicha shartnoma imzolagandi. Beshta zenit-raketa tizimlari polki Nyu-Dehliga 5,43 milliard dollarga tushadi.

Rossiya va Hindiston o‘rtasidagi mudofaa shartnomasi Vashington tomonidan bir necha bor tanqid qilingandi. AQSh 2018 yilda Hindiston Rossiyadan S-400 sotib olish bo‘yicha shartnomadan voz kechishi kerakligini talab qilgandi.

AQSh Hindistonga nisbatan sanksiyalar joriy etilishi mumkinligini istisno qilmadi. Hindiston esa bir tomonlama cheklovlar noto‘g‘ri bo‘lishini ta'kidladi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top