General Motors AQShda 3,5 mlnta avtomobilini qaytarib oladi

General Motors kompaniyasi AQShda tormoz tizimining vakuum kuchaytirgichidagi nosozlik sababli 3,5 mlnta avtomobilini qaytarib olmoqda. Bu haqda Reuters axborot agentligi xabar berdi. 

2014 yildan 2018 yilgacha ishlab chiqarilgan Cadillac Escalade, Chevrolet Suburban va GMC Yukon yo‘ltanlamaslari hamda Chevrolet Silverado va GMC Sierra pikaplari qaytarib olinadi.

2018 yil sentyabrda AQSh kompaniyasi rulning elektr kuchaytirgichidagi muammolar sababli AQShda 2015 yilgi model qatoriga tegishli 1 mln.tadan ko‘proq avtomobilni qaytarib olgandi. Ushbu nosozlik sababli 30 ga yaqin avtofalokat yuz bergan.