22:03 / 15.09.2019
0
8324

Kuvayt Saudiya Arabistonidagi neft obektlariga hujumlardan keyin xavfsizlik choralarini kuchaytirdi

Foto: REUTERS / Stringer

Kuvayt hukumati Saudiya Arabistonining Saudi Aramco neft-gaz kompaniyasi korxonalariga hujumdan keyin o‘zining strategik ahamiyatdagi davlat obektlarida xavfsizlikni kuchaytirishga qaror qildi. Bu haqda Kuvaytning KUNA axborot agentligi mamlakat bosh vaziri o‘rinbosari Anas as-Salohga iqtibos keltirgan holda xabar qildi. 

Uning aytishicha, Kuvayt bosh vaziri Jobir al-Muborak al-Hamad As-Saboh Saudiya Arabistonidagi neftni qayta ishlash zavodlariga hujumdan keyin harbiylar va kuch tuzilmalariga mamlakatning strategik muhim obektlarida xavfsizlik choralarini kuchaytirishni va mamlakat bo‘ylab xavfsizlik choralarini ko‘rishni buyurgan.

14 sentyabrda Saudiya Arabistonining Saudi Aramco davlat neft kompaniyasining Abqayq va Xurays tumanlaridagi 2 ta korxonasiga dronlarda hujum qilinishi oqibatida yong‘inlar yuz berdi.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top