Albaniyada yuz bergan zilzila natijasida 50dan ortiq kishi jarohatlandi

Albaniyada ikki marta yuz bergan yer silkinishi natijasida 52 kishi jarohatlandi. Bu haqda Albanian Daily news portali xabar berdi.

Dastlabki yer silkinishi 5,6 ball bo‘lgan. Zilzila markazi Durres shahridan olti kilometr masofada joylashgan.  

Bir ozdan so‘ng 5,3 balli yer silkinishi qayd etilgan.

Mamlakat sog‘liqni saqlash vaziri Ogerta Manastirliu barcha jarohatlanganlar Albaniya poytaxtidagi kasalxonaga yotqizilganini xabar qilgan.