01:25 / 03.10.2019
0
9183
БМТнинг баъзи тузилмаларининг АҚШдан бошқа жойга кўчирилиши таклифига изоҳ берилди 
Фото: РИА "Новости"

БМТ Бош ассамблеяси Биринчи қўмитасининг АҚШдан бошқа давлатга кўчирилиши бўйича қарорни ташкилотга аъзо давлатлар қабул қилишлари лозим. БМТ бош котибининг вакили Стефан Дюжаррик қўмитанинг кўчирилиши таклифига шундай изоҳ берди.

Аввалроқ Россиянинг БМТнинг Женевадаги бўлимидаги доимий вакили Геннадий Гатилов БМТ Бош ассамблеясига йўл олган Россия делегациясига АҚШ визалари берилмаганидан кейин Москва БМТ Бош ассамблеясининг қуролсизлантириш ва халқаро хавфсизлик масалалари билан шуғулланувчи Биринчи қўмитаси йиғилишларини Нью-Йоркдан бошқа жойга кўчиришни таклиф қилганини маълум қилганди. Дипломат алтернатив жой сифатида мунтазам равишда йирик тадбирлар ўтувчи Женевани таклиф қилган. Унинг айтишича, АҚШнинг виза сиёсати сабабли БМТ бош қароргоҳини кўчириш бўйича гаплар тез-тез юзага келиб туради.

Дюжаррикнинг таъкидлашича, у Россиянинг таклифидан бехабар, бироқ бу масалада охирги сўзни ташкилотга аъзо давлатлар айта олишади.

БМТ бош котиби вакилининг айтишича, БМТ Россиянинг АҚШ визалари берилмагани ҳақидаги мактубидан кейин барча зарурий чораларни кўради.

Ушбу хабарга фикрингизни билдиринг. Бунинг учун авторизациядан ўтишингиз керак!
Top