17:47 / 08.10.2019
0
8914
Санкт-Петербургда қотилликда гумонланиб қўлга олинган Ўзбекистон фуқаросидан айблов олиб ташлангани маълум қилинди

6 октябрь куни Санкт-Петербургнинг Москва районида қотилликда гумонланиб қўлга олингани ОАВда хабар қилинган Ўзбекистон фуқаросидан тегишли органлар томонидан айблов олиб ташланди ва қўшимча тергов тадбирлари олиб борилмоқда. Бу ҳақда мамлакатимизнинг Санкт-Петербург шаҳридаги Бош консулхонаси маълум қилди.

Таъкидланишича, вазият Бош консулхона томонидан назоратга олинган.

Консуллик-ҳуқуқий департаменти Россиянинг Шимоли-ғарбий федерал округи (Архангельск области, Калининград области, Карелия Республикаси, Коми Республикаси, Ленинград области, Мурманск области, Ненец автоном округи, Новгород области, Псков области, Санкт-Петербург шаҳри, Вологда области) ҳудудида жойлашган фуқароларимиз зарур вазиятларда мамлакатимизнинг Санкт-Петербург шаҳридаги Бош консулхонасига +7-965-029-41-49 телефон рақами орқали мурожаат қилишлари мумкинлигини эслатиб ўтади.

Ушбу хабарга фикрингизни билдиринг. Бунинг учун авторизациядан ўтишингиз керак!
Top