18:46 / 09.10.2019
0
5450
Германиянинг Ҳалле шаҳрида отишма ва портлаш содир этилди
Фото: AP Photo / DPA/ Sebastian Willnow

Германиянинг Ҳалле шаҳрида отишма содир бўлиши натижасида икки киши ҳалок бўлди. Бу ҳақда шаҳар полицияси хабар берди.

Хабар қилинишича, отишмадан сўнг бир киши қўлга олинган, аммо қўлга олинган шахснинг кимлиги тўғрисида маълумот берилмаган.

Ҳалле полициясининг билдиришича, отишмани камида икки киши содир этган. Улар воқеа жойидан автомобилда қочиб кетишган. 

ОАВнинг маълумот беришича, отишма синагога яқинида содир бўлган, шунингдек, номаълум шахс яҳудийлар қабристонига граната улоқтирган.

"Бўлинмаларимиз бир кишини ҳибсга олди. Шунга қарамай, ҳушёрликни сақланг. Полиция Ҳалле округида катта куч билан ишламоқда ва барча маълумотлар аниқланмагунича вазиятни барқарорлаштириш учун ҳаракат қилмоқда", деб хабар берди Ҳалле полиция бошқармаси Twitter орқали.

Ушбу хабарга фикрингизни билдиринг. Бунинг учун авторизациядан ўтишингиз керак!
Top