Kurdlar va Damashq turk armiyasiga qarshi birlashdi

Suriyadagi kurd otryadlari va Damashq o‘rtasida Turkiyaning hujumini qaytarish uchun Suriya-Turkiya chegarasi bo‘ylab hukumat qo‘shinlarini joylashtirishga kelishildi. Bu haqda Reuters axborot agentligi xabar berdi. 

Qo‘shinlarning joylashtirilishini “Suriya demokratik kuchlari” qo‘llab-quvvatlaydi hamda “turk armiyasi va yollanma jangchilar bostirib kirgan hududlarni ozod qilishda ko‘maklashadi”. 

Avvalroq Suriya armiyasi mamlakatning kurdlar tomonidan nazorat qilinuvchi shimoli tomon harakatlanayotgani ma'lum qilingan. Biroq kurdlar va rasmiy Damashq o‘rtasida biror kelishuv bo‘lgani-bo‘lmagani noma'lum bo‘lib qolayotgandi. 

Hozirda Turkiya Suriyaning shimolida kurd otryadlari va terrorchilarga qarshi harbiy amaliyot olib bormoqda.