Qoʻshimcha funksionallar
-
Tungi ko‘rinish
Nazarboyevning nabirasi Londonda politsiyachini tishlab olgani uchun bir yilga shartli ravishda ozodlikdan mahrum etildi
Qozog‘istonning birinchi prezidenti Nursulton Nazarboyevning nabirasi, 28 yoshli Oysulton Nazarboyev Buyuk Britaniyada London shahri politsiyachisiga hujum qilgani uchun bir yilga shartli ravishda ozodlikdan mahrum etildi.
"Bi-bi-si"ning xabar berishicha, u giyohvand modda ta'siri ostida politsiyachilarga qarshilik ko‘rsatgan, ulardan birini urib, qo‘lini tishlab olgan.
Nashrning yozishicha, hukmga ko‘ra, unga 18 oylik sinov muddati berilgan, giyohvandlikka ruju qo‘yishdan davolanishda davom etishi lozim, shuningdek, ijtimoiy mehnat qilishi va jarima to‘lashi kerak. Agarda sinov muddati davomida qonunni buzsa, qamoq jazosi shartlidan haqiqiyga aylanadi.
Qozog‘iston sobiq rahbarining nabirasi 140 soatlik ijtimoiy mehnatga jalb etiladi. Giyohvandlikka ruju qo‘yishdan davolanish bo‘yicha 20ta majburiy sessiyaga qatnashadi hamda ming funt jarima va yetkazilgan zararni qoplash uchun 5 ming funt to‘laydi.
Mavzuga oid
22:34 / 25.03.2021
Nursulton Nazarboyev nabirasining o‘limi sababi ma'lum qilindi
16:10 / 16.08.2020
Nursulton Nazarboyevning nabirasi Londonda vafot etdi
16:12 / 13.02.2020
Nazarboyevning nabirasi Buyuk Britaniyadan siyosiy boshpana so‘radi
22:25 / 24.09.2019