Butun dunyo bo‘ylab norozilik harakatlari o‘sgani qayd etildi

Qayd etilishicha, noroziliklar hukumat va siyosatchilarga ishonchning yo‘qligi, shuningdek, hukumatning namoyishchilarga nisbatan ortiqcha kuch ishlatishi ortidan yanada ortmoqda.

BMTning inson huquqlari bo‘yicha oliy komissari boshqarmasi butun dunyoda norozilik harakatlari o‘sganligini qayd etmoqda. Bu haqda boshqarma vakili Ravina Shamdasani ma'lum qildi.

Uning so‘zlariga ko‘ra, Boliviya, Chili, Hongkong, Ekvador, Misr, Gvineya, Haiti, Iroq va Livanda norozilik namoyishlari kuzatilmoqda. Bundan tashqari, avvalroq Jazoir, Honduras, Nikaragua, Malavi, Rossiya, Sudan, Zimbabve, Fransiya, Ispaniya va Buyuk Britaniyada norozilik namoyishlari bo‘lib o‘tgandi.

"Albatta, bu namoyishlar sabablari turlicha va oldindan biror xulosani aytmaslik lozim. Umumiyliklar ham bor: ayniqsa, ijtimoiy-iqtisodiy sharoitlar, korrupsiya, boylar va kambag‘allar o‘rtasidagi farq kuchayib borishidan aholi g‘azabda va norozi", - dedi Shamdasani.

Qayd etilishicha, noroziliklar hukumat va siyosatchilarga ishonchning yo‘qligi, shuningdek, hukumatning namoyishchilarga nisbatan ortiqcha kuch ishlatishi ortidan yanada ortmoqda.