OAV: AQSh harbiylari Qandahorda 30dan ortiq jangarini yo‘q qildi

Avvalroq Afg‘oniston harbiy-havo kuchlari Faryob viloyatida 50dan ortiq toliblarni yo‘q qilgani haqida xabar qilingandi.

AQSh harbiy-havo kuchlarining Afg‘onistonning Qandahor viloyatida bergan aviazarbalari natijasida “Tolibon” harakatining kamida 33 jangarisi yo‘q qilindi, sakkiz jangari jarohatlandi. Bu haqda Onado‘lu agentligi xabar berdi.

Agentlikning xabariga ko‘ra, aviazarbalar Ma'ruf va Shoh Vali Qot tumanlarida berilgan.

Shuningdek, agentlik toliblarga tayanib jangarilar Qandahorda Amerika harbiy avtokolonnasiga hujum qilgani haqida xabar qildi. Ammo Amerika harbiylari bu ma'lumotni tasdiqlamadi.

Avvalroq Khaama Press agentligi Afg‘oniston HHK Faryob viloyatida 50dan ortiq toliblarni yo‘q qilgani haqida xabar bergandi.

#Tolibon #AQSh harbiy-havo kuchlari