«ERIELL Group»: 2017-2021 yillarga mo‘ljallangan dastur rejasi jadal amalga oshirilmoqda

«ERIELL Group» kompaniyasi «O‘zbekneftgaz» bilan hamkorlikdagi «2017-2021 yillar uchun mo‘ljallangan uglevodorod xom-ashyosini qazib olish hajmini oshirish bo‘yicha chora-tadbirlar dasturi» bo‘yicha so‘nggi ma'lumotlarni oshkor qildi.

1. «Dengizko‘l» konidagi quduq bo‘yicha:

Muborak tumanida joylashgan «Dengizko‘l» konidagi №317 NN qudug‘i muvaffaqiyatli tarzda foydalanishga topshirildi. Bu jarayonda 114×9 mm diametrli gaz quvuri 550 metr masofaga tortildi. Quduq «Dengizko‘l» konida amalda bo‘lgan kirish tarmoqlari blogiga ulandi.

2. «Oydin» konidagi quduq bo‘yicha:

Sho‘rtan hududida joylashgan «Oydin» konidagi №12 qudug‘i foydalanishga topshirildi. Bu jarayonda ham 114×9 mm diametrli gaz quvuri yanada ko‘proq – 2410 metr masofaga tortildi. Quduq «Nomozboy-Oydin» nomli gazni dastlabki tayyorlash uskunasiga ulandi.

«ERIELL Group» kompaniyasi Matbuot xizmati