08:21 / 18.11.2019
0
11920
Шифокорлар Сербия президенти ҳаётини сақлаб қолишди  
Фото: AP Photo / Darko Vojinovic

Белграддаги ҳарбий-тиббиёт академияси шифокорлари Сербия президенти Александр Вучичнинг ҳаётини сақлаб қолишди. Бу ҳақда Сербия соғлиқни сақлаш вазири Златибор Лончар маълум қилди.  

Вазирнинг таъкидлашича, Вучичда юрак билан боғлиқ кичик сурункали муаммолар бўлган, бироқ 15 ноябрда унинг аҳволи жиддий ёмонлашган ва у шифокорларга мурожаат қилган. 

Шифокорлар Вучични кўрикдан ўтказиб, унинг ҳаётини хавф остида деб баҳолашган.

Лончарнинг таъкидлашича, шифокорлар зудлик билан тегишли чоралар кўришган, президент организми эса даволашга яхши жавоб қайтарган.

Шифокорлар Сербия президентига тўлиқ тикланиб олиш учун яқин орада кундалик юкламани камайтиришни буюришган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top