O‘tgan sutka ichida Turkiyadagi Injirlik aviabazasini AQSh harbiy-havo kuchlariga qarashli kamida beshta harbiy-transport samolyoti tark etdi. Bu haqda G‘arbdagi aviatsiya resurslari ma'lum qilmoqda.
Ma'lumotlarga ko‘ra, Injirlik aviabazasidan uchta C-17A Globemaster og‘ir harbiy-transport samolyoti, bitta C-5M Galaxy harbiy-transport samolyoti hamda bitta C-40B transport samolyoti uchib ketgan.
15 dekabr kuni Turkiya prezidenti Rajab Toyyib Erdo‘g‘an agarda Vashington Rossiyaning S-400 tizimi sotib olingani uchun Turkiyaga nisbatan sanksiya joriy etadigan bo‘lsa, Anqara AQSh harbiylari uchun Injirlik va Kurejik harbiy bazalarini yopishga tayyorligini bildirgandi.
Dekabr boshlarida Turkiya tashqi ishlar vaziri mavlut Chovusho‘g‘lu ham xuddi shunday bayonot bilan chiqqandi.
