Respublikada quyonchilik sohasini yanada rivojlantirish chora-tadbirlari qabul qilinadi. Tegishli hujjat loyihasi muhokama uchun joylashtirildi.
Quyidagilar:
a) Respublikada 2020 yilda quyonlar bosh sonlarini ko‘paytirishning prognoz parametrlari;
b) Respublikada 2020 yilda amalga oshiriladigan quyonchilik yo‘nalishidagi loyihalar tasdiqlanadi.
Respublikada 2020 yilda amalga oshiriladigan loyihalarni kreditlash O‘zbekiston Respublikasi Markaziy bankining qayta moliyalashtirish stavkasi bo‘yicha ustuvor ravishda AT Xalq banki, “Mikrokreditbank” ATB va “Agrobank” ATB orqali amalga oshirilishi tavsiya etiladi.
“Mikrokreditbank” ATB, Agrosanoat majmui va oziq-ovqat ta'minotidagi loyihalarni amalga oshirish Agentligi bilan birgalikda 2020 yil 1 fevralga qadar quyonchilik sohasidagi loyihalarni uzoq muddatga va imtiyozli foiz stavkalarda moliyalashtirish maqsadida Xalqaro taraqqiyot uyushmasining mazkur sohaga yo‘naltirilishi nazarda tutilgan resurs mablag‘larini jalb qilish choralarini ko‘radi.
Bandlik va mehnat munosabatlari vazirligi xonadonlarda quyon yetishtiruvchi dehqon (shaxsiy yordamchi) xo‘jaliklariga quyon parvarishlash maqsadida sotib olinayotgan quyon uyalari(qafasi) va ozuqasi uchun bazaviy hisob-kitob summasining (BHS) o‘n barobari miqdorida vazirlik subsidiyalari ajratish mexanizmlarini 2020 yil 1 fevral sanasidan amaliyotga joriy qiladi.
Qoraqalpog‘iston Respublikasi Vazirlar Kengashi va viloyatlar hokimliklari sanoat usulida quyon parvarishlashni tashkil qilishga talabgorlar uchun kamida besh yil muddatda ixtisosligini o‘zgartirmaslik sharti bilan yer maydonlarini ajratishni va bo‘sh turgan binolarni nol qiymatda balansga berilishini ta'minlaydi.
Belgilab qo‘yilishicha, quyonchilik bilan shug‘ullanuvchi sub'yektlarga sanoat usulida quyon parvarishlashni yo‘lga qo‘yish maqsadida ozuqa maqsadlari uchun yer maydonlari ajratishda faqat ona quyonlar uchun 0,03 shartli mol koeffitsiyentidan foydalaniladi hamda yer maydonlari ajratish belgilangan normativlarga muvofiq amalga oshiriladi.
Tashqi ishlar vazirligi, Investitsiyalar va tashqi savdo vazirligi manfaatdor vazirlik va idoralar bilan birgalikda:
Qoraqalpog‘iston Respublikasi Vazirlar Kengashi va viloyatlar hokimliklariga quyonchilik sohasini rivojlantirish maqsadida faol xorijiy investitsiyalarni jalb etishda ko‘maklashadi;
