40 foizdan ortiq saylovchi ovoz berdi – saylovni o‘tgan deb hisoblash mumkin

Oliy Majlis Qonunchilik palatasi va xalq deputatlari viloyat, tuman, shahar kengashlariga saylovlarni bo‘lib o‘tgan, deb hisoblash mumkin.

«Saylov kodeksiga muvofiq, agar saylovchilar ro‘yxatiga kiritilgan fuqarolarning 33 foizi ovoz berishda ishtirok etgan bo‘lsa, saylov o‘tgan hisoblanadi.

Buni joylardan hozirgacha [soat 13:00ga qadar] olingan quyidagi ma'lumotlar ham tasdiqlaydi. Hozirga qadar saylovchilarning 7 million 971 ming 252 nafari yoki 42,4 foizi ovoz berdi.

Demak joriy saylovlar o‘tgan deb hisoblanadi va bu bilan barcha saylov jarayoni ishtirokchilarini, xalqimizni tabriklayman», dedi Markaziy saylov komissiyasi Kotibiyati rahbari Xudoyor Mamatov.