21:44 / 22.12.2019
0
4365
Помпео Исроил ва Фаластинни жиддий мулоқот бошлашга чақирди
Фото: Reuters

АҚШ Исроил ва Фаластин ўртадаги низони узил-кесил бартараф этиш учун жиддий мулоқот бошлашидан умид қилмоқда. Бу ҳақда АҚШ давлат котиби Майкл Помпео CSN радиостанциясига берган интервьюсида айтди.  

"Биз айнан шундай бўлишига умид қилмоқдамиз. Томонлар мураккаб масалаларни еча оладиган етакчиларга эга бўлиши керак. Улар суҳбатлар доирасида ўзаро ҳамкорлик қилишга тайёр бўлишлари лозим. Оғир ҳақиқат шуки, низо юридик ечимга эга эмас. Халқаро ҳуқуққа асосан ким ҳақ, ким ноҳақлиги тўғрисидаги гаплар тинчлик олиб келмайди. Бу фақатгина исроилликлар ва фаластинликлар ўртасида ечилиши мумкин бўлган мураккаб сиёсий муаммо", деди у.

Помпео музокаралар ташкил қилишда ёрдамга тайёрлигини айтди.

"Биз қўлимиздан келганини қиламиз. Томонларни ҳамкорликда ишлашга чақирамиз. Натижалар Исроилнинг хавфсизлигини таъминлаши керак. Фаластинлар тўғрисида ҳам шундай дейиш зарур, натижалар уларга фойда келтириши лозим", деди Помпео.

Ушбу хабарга фикрингизни билдиринг. Бунинг учун авторизациядан ўтишингиз керак!
Top