19:20 / 11.01.2020
4
54194
Трамп Ироқ пул тўламаса Америка қўшинлари бу ердан чиқиб кетмаслигини айтди
Фото: Cristobal Herrera / EPA / ТАСС

АҚШ президенти Дональд Трамп Fox News телеканалига берган интервьюсида Ироқ ҳукумати Америка қўшинлари бу давлатдан чиқиб кетадиган бўлса, ҳарбий базалар ва Бағдоддаги элчихона қурилиши учун компенсация тўлаши кераклигини айтди.

«Уларга: «Агар кетадиган бўлсак, бизга пул тўлашингизга тўғри келади дедим», — деди у.

Трампнинг қайд этишича, агарда Бағдод пул тўлашдан бош тортса, АҚШ ҳарбий хизматчилари бу ерни тарк этмайди.

АҚШ президентининг сўзларига кўра, Ироқда Америка қўшинлари олиб чиқиб кетилиши тўғрисида «фақат омма олдидагина гапириляпти», аммо ёпиқ йиғилишларда бу масала кўтарилаётгани йўқ.

Вашингтон Ироқдан қандай тарзда пул ундириши мумкинлиги тўғрисидаги саволга Трамп: «Бизда уларнинг кўп пули бор» деб жавоб қайтарди.

Унинг сўзларига кўра, гап Ироқнинг Америкадаги банкларга жойлаштирган 35 млрд доллар ҳақида бормоқда. 

«Улар пул тўлашга рози бўлишади деб ўйлайман. Акс ҳолда биз у ерда қоламиз», — деди у.

Мавзу
Қосим Сулаймонийнинг ўлдирилиши
Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top