Instagram rasmiy sahifasiga Toshkentning qorli Eski shahar tasvirini joyladi

12 yanvar oqshomida Instagram tarmoqdagi o‘z rasmiy sahifasiga Toshkentning ayni damdagi manzarasini ifodalovchi fotosuratni joyladi.

Suratda poytaxtning Eski shahar qismidagi mahallalardan biri va bugungi kuchli qor yog‘ishi aks etgan.

 

 

 

 

View this post on Instagram

 

 

 

 

 

 

 

 

 

#HelloFrom a cold and snowy day in the Old City of Tashkent, Uzbekistan. ❄️⁣⁣ ⁣⁣ Photo by @matildegattoni

A post shared by Instagram (@instagram) on Jan 12, 2020 at 8:45am PST

Surat muallifi – taniqli fransuz-italyan fotojurnalisti, o‘z yo‘nalishida qator mukofotlar sohibi Matilde Gattoni. U 2002 yili Milanda «O‘zbekiston – mustaqillikdan o‘n yil o‘tib» albomini nashr etishda ham ishtirok etgan.

Muallifning O‘zbekiston yaqin o‘tmishiga oid oq-qora ranglardagi yuzdan ortiq surati bilan quyidagi, nisbatan keyinroq olingan ijtimoiy hayot manzaralarini ushbu havolada tomosha qilish mumkin.

Ma'lumot uchun, Instagram o‘z rasmiy akkauntiga kuniga bir yoki ikkitadan surat qo‘yib boradi. Akkaunt kuzatuvchilari 327 milliondan ortiq. Tarmoqning test rejimidagi yangi siyosatiga asosan qo‘yilgan suratga bosilgan layklar sonini bilish imkonsiz.