Britaniyada jinoyatchilikka qarshi kurashish maqsadida uchi to‘mtoq pichoqlar sotila boshlandi

Britaniyaning oshxona anjomlari ishlab chiqaruvchi Viners kompaniyasi uchi to‘mtoq pichoqlarni sotuvga chiqardi. Kompaniya menejmentining fikricha, bu jinoyatchilikka qarshi kurashishga yordam beradi, deb xabar berdi Insider nashri.

Kompaniyada ta'kidlanishicha, yangi mahsulot mamlakatda sovuq qurol bilan amalga oshirilayotgan jinoyatlar ko‘payotganiga javoban ishlab chiqilgan. Endi jinoyatchilar uchi to‘mtoq pichoqni odam tanasiga tiqa olmaydilar. 

Britaniyada 2019 yilda 44 ming kishi pichoq va boshqa sanchuvchi buyumlar bilan jinoyat sodir etgan, 285 kishiga pichoq bilan jarohat yetkazilgan. Bu 1946 yildan beri Britaniyadagi eng yuqori ko‘rsatkichlar bo‘lgan.