13:51 / 15.01.2020
1
13858
Шайхонтоҳур туманидаги ЙТҲ: аёл киши ҳалок бўлди
Фото: Тошкент шаҳар ИИББ ахборот хизмати

Жорий йилнинг 15 январь куни соат 01:55да 102 рақамига Шайхонтоҳур туманида рўй берган йўл-транспорт ҳодисаси тўғрисида хабар келиб тушган.

Тошкент шаҳар ИИББ хабарига кўра, Лутфий ва Нурафшон кўчалари кесишмасида 28 ёшли, Тошкент вилоятида истиқомат қилувчи М.А. ВАЗ-2107 русумли автомобилни тегишли рухсатномасиз маст ҳолатда бошқариб, бошқарувни бажара олмасдан йўл четига чиқиб кетган ва йўл четида савдо қилиб турган 56 ёшли Д.В.ни уриб юборган. 

Жабрланувчи шифохонага етказилди, аммо унга кўрсатилган тиббий ёрдамга қарамасдан, олинган жароҳатлар сабабли ҳаётдан кўз юмди. 

Ҳозирги вақтда ушбу факт бўйича Шайхонтоҳур тумани ИИО ФМБ томонидан тергов олди текшируви олиб борилмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top