15:19 / 26.01.2020
0
11568
Associated Press Трампнинг Москва ва Киев қарама-қаршилиги тўғрисидаги суҳбати ёзилган видеоёзувни эълон қилди
Фото: EPA-EFE/Yuri Gripas

Associated Press агентлиги ўзининг YouTube-каналида АҚШ президенти Дональд Трампнинг 2018 йилда Trump International Hotel’даги кечки зиёфат вақтидаги видеоёзувни эълон қилди. Агентликнинг таъкидлашича, ушбу зиёфатда Трампнинг шахсий адвокати Рудольф Жулиани билан алоқадор деб ҳисобланувчи бизнесменлар Лев Парнас ва Игорь Фруман иштирок этган.

Видеоёзув 1 соат 23 дақиқа бўлиб, уни ким тасвирга олганига аниқлик киритилмаган. Агентликнинг билдиришича, учрашув вақтида Трамп Украина АҚШ ёрдамисиз «Россия тажовузи»га қанча вақт қаршилик қила олишига қизиққан.

«Улар [Украина] Россияга қарши курашга қанча вақт дош бера олишади?», — деб савол беради AP Трамп деб атаётган киши. Сўнгра у Мари Йовановични Американинг Украинадаги элчиси (у 2016 йилдан 2019 йилгача ушбу лавозимда бўлган) лавозимидан бўшатиш мавзусига ўтади.

ABC News ўз манбаларига таяниб ёзишича, Трамп, Парнас ва Фруман иштирокидаги зиёфат 2018 йил 30 апрелда бўлиб ўтган.

Зиёфат иштирокчилари шунингдек, Украина энергетика бозори, АҚШ давлат котиби Майк Помпео фаолияти ва собиқ президенти Жорж Бушнинг Яқин Шарқдаги сиёсатини муҳокама қилган, деб хабар бермоқда AP.  

Ушбу хабарга фикрингизни билдиринг. Бунинг учун авторизациядан ўтишингиз керак!
Top