Foto: Taavi Arus / Delfi
Xitoy qurol sotish bo‘yicha Rossiyani quvib o‘tdi va AQShdan keyin jahonda ikkinchi o‘rindan joy oldi. Bu haqda Stokholm tinchlik muammolarini o‘rganish instituti (SIPRI) tomonidan e'lon qilingan hisobotda ma'lum qilindi.
Hisobot 2015 yildan 2017 yilgacha bo‘lgan davrni o‘z ichiga oladi. Ilgari shaffoflik yo‘qligi bois SIPRI jahon qurol bozoridagi eng yirik 100 kompaniya reytingiga Xitoy kompaniyalarini kiritmasdi.
Endilikda institut ekspertlari Xitoydagi uchta korporatsiyaning 2015-2017 yillarga oid moliyaviy ma'lumotiga ega bo‘ldi. Ushbu kompaniyalar tomonidan jami 54,1 mlrd dollarlik qurol sotilgan.
Hisobot mualliflarining qayd etishicha, unda keltirilgan raqamlar pasaytirilgan.
