Avstraliyaning Melburnida tennis bo‘yicha o‘tayotgan Australian Open finalida ushbu musobaqaning 7 karra g‘olibi serbiyalik Novak Jokovich va avstriyalik Dominik Tim uchrashadigan bo‘ldi.
Final uchrashuvi 2 fevralda bo‘lib o‘tadi.
Tim yarimfinalda germaniyalik Aleksandr Zverevni 3:6, 6:4, 7:6 (7:3), 7:6 (7:4), Jokovich esa Rojyer Federerni 7:6(1), 6:4, 6:3 hisobida mag‘lub etgan.
Jokovich Avstraliya ochiq chempionatining amaldagi g‘olibi hisoblanadi.
Ayollar finalida amerikalik Sofiya Kenin va ispaniyalik Garbinya Mugurusa uchrashadi. Uchrashuv 1 fevralda bo‘lib o‘tadi.
