Австралиянинг Мельбурнида теннис бўйича ўтаётган Australian Open финалида ушбу мусобақанинг 7 карра ғолиби сербиялик Новак Жокович ва австриялик Доминик Тим учрашадиган бўлди.
Финал учрашуви 2 февралда бўлиб ўтади.
Тим яримфиналда германиялик Александр Зверевни 3:6, 6:4, 7:6 (7:3), 7:6 (7:4), Жокович эса Рожер Федерерни 7:6(1), 6:4, 6:3 ҳисобида мағлуб этган.
Жокович Австралия очиқ чемпионатининг амалдаги ғолиби ҳисобланади.
Аёллар финалида америкалик София Кенин ва испаниялик Гарбинья Мугуруса учрашади. Учрашув 1 февралда бўлиб ўтади.
