10:13 / 06.02.2020
0
5314
Самарқанд вилоятида вояга етмаган шахс томонидан содир этилган жиноят фош қилинди

Самарқанд вилояти Каттақўрғон шаҳрида вояга етмаган шахс томонидан содир этилган жиноят фош қилинди

Иллюстратив фото

2020 йил 28 январь куни 36 ёшли Н.Р. Самарқанд вилояти Каттақўрғон шаҳар ИИБга ариза билан мурожаат қилиб, унда 2020 йил 1 январь кунидан 28 январь кунига қадар бўлган вақт оралиғида номаълум шахс унинг “Дамариқ” маҳалласида жойлашган уйига ғайриқонуний равишда кириб, умумий миқдори 18 200 000 сўмлик ҳар хил турдаги қимматбаҳо буюмларини яширин равишда ўғирлаб кетганлигини маълум қилган.

Мазкур ҳолат юзасидан Каттақўрғон шаҳар ИИБ ҳузуридаги Тергов бўлими томонидан номаълум шахсга нисбатан Ўзбекистон Республикаси Жиноят кодексининг 169-моддаси 2-қисми “г” банди (уй-жойга ғайриқонуний равишда кириб содир этилган ўғрилик) билан жиноят иши қўзғатилган.

Ўзбекистон Республикаси ИИВ ҳузуридаги Тергов департаменти хабарига кўра, олиб борилган тергов-тезкор ҳаракатлари натижасида ушбу жиноятни вояга етмаган 16 ёшли Р.К. содир этганлиги аниқланган ва ундан айрим қимматбаҳо буюмлар ашёвий далил тариқасида расмийлаштириб олинган.

Вояга етмаган Р.К. гумон қилинувчи тариқасида ишда иштирок этишга жалб қилинган. Ҳозирда дастлабки тергов ҳаракатлари давом эттирилмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top