Umurzoqov Vengriya biznesini O‘zbekiston iqtisodiyotiga yanada ko‘proq investitsiya kiritishga chaqirdi

O‘zbekiston investitsiyalar va tashqi savdo vaziri Sardor Umurzoqov Vengriya biznesini investorlar uchun o‘ziga xos sharoitlar yaratilgan respublika iqtisodiyotiga faolroq investitsiya kiritishga chaqirdi.

"Biz Vengriya biznesini O‘zbekistonning investitsiyaviy salohiyatidan yanada faolroq foydalanishga, Jahon banki, Osiyo taraqqiyot banki, Xalqaro valuta jamg‘armasi va boshqa xalqaro tashkilotlarning o‘rta muddatli istiqbolda 5-6 foiz barqaror o‘sishni prognoz qilgan Markaziy Osiyoning eng yirik va ko‘p tarmoqli iqtisodiyotiga investitsiya kiritishga chaqiramiz", - dedi u bugun O‘zbekiston va Vengriya o‘rtasidagi savdo-iqtisodiy va ilmiy-texnikaviy hamkorlik bo‘yicha hukumatlararo komissiyada.

"Biz Vengriya kompaniyalarining O‘zbekistonda muvaffaqiyatli faoliyat ko‘rsatishi uchun barcha imkoniyatlarni yaratmoqdamiz va bugun biz sizga noyob mamlakatdagi o‘ziga xos sharoitlarni taklif etamiz", dedi u Toshkentga tashrif buyurgan ishbilarmon doiralar vakillariga.

Vazir O‘zbekiston Vengriyaning Markaziy Osiyodagi iqtisodiy o‘rnini kengaytirishdan manfaatdor ekanligini va venger kompaniyalarining mintaqaning jadal rivojlanayotgan bozorlariga kirishiga yordam berishga tayyorligini ta'kidladi.

"Biz Vengriya kompaniyalarini mamlakatimizni jadal o‘zgartirishda faol ishtirok etishga, aniq loyihalarga investitsiya kiritishga taklif etamiz", dedi Umurzoqov.