19:18 / 22.02.2020
0
2241
Германия ички ишлар вазири қуролга эгалик қилиш учун рухсатнома бериш тартибини қатъийлаштиришни таклиф қилди

Ҳозирда мамлакатда қурол эгаларига нисбатан мунтазам тиббий текширувлар ўтказилмайди. Спортча милтиқ отиш, ов ёки коллекция қилиш билан шуғулланмоқчи бўлган ҳар қандай фуқаро қуролга эгалик қилиш учун ариза бериши мумкин. 

Фото: Writer Resources

Қуролга эгалик қилиш учун рухсатнома бериш тартибини қатъийлаштириш керак, деди Германия ички ишлар вазири Хорст Зеехофер Bild газетасига берган интервьюсида.

У Ханау шаҳрида содир этилган отишмага ана шундай муносабат билдирди.

Агарда тергов ҳужум қилган шахснинг лицензиясини аввалроқ бекор қилиш имконияти бўлганини аниқласа, у ҳолда мавжуд тартибни ўзгартириш керак, деди Зеехофер. 

"У ҳолда қурол эгасининг руҳан соғломлигини тасдиқловчи тиббий маълумотнома ёки шифокор тасдиғи талаб қилинади", - деди у.

Ҳозирда мамлакатда қурол эгаларига нисбатан мунтазам тиббий текширувлар ўтказилмайди. Спортча милтиқ отиш, ов ёки коллекция қилиш билан шуғулланмоқчи бўлган ҳар қандай фуқаро қуролга эгалик қилиш учун ариза бериши мумкин. 

Махсус ташкилот аризани текшириб, полиция ва контрразведкадан маълумот сўрайди. Агарда ариза берувчи алкоголь ёки гиёҳвандлик моддаларига ружу қўйганлиги, руҳият билан боғлиқ муаммолари бўлса, унга рухсатнома берилмайди. Агарда бирор шубҳа туғилса, руҳий экспертиза тайинланади – у фақат ёши 25дан кичик шахсларга нисбатан тайинланади.

Ханауда отишма содир этган шахс 2013 йилда қуролга эгалик қилиш учун рухсатнома олган. 2019 йилда у қуролни тўғри сақлаётгани текширилган. Унга нисбатан руҳий экспертиза ўтказилмаган, бу вақтда унинг ёши 40дан ўтган бўлган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top