Kuvayt portlar boshqarmasi koronavirus bilan kasallanish holatlari ko‘p sonda qayd qilingan davlatlar - Yaponiya, Singapur, Tailand, Italiya, Eron, Iroqning kemalariga o‘z portlarida to‘xtashni taqiqladi. Biroq neft tankerlari bundan mustasno.
Bu haqda Kuvaytning “Al-Anba'” nashri ma'lum qildi.
"Yaponiya, Singapur, Tailand, Italiya, Iroq va Erondan keladigan kemalarga Kuvayt portlariga kirish taqiqlandi. Bu taqiq neft tankerlariga taalluqli emas", deyilgan boshqarma xabarida.
26 fevralda Kuvayt sog‘liqni saqlash vazirligi mamlakatda koronavirusdan kasallanganlik bo‘yicha 25ta holat qayd qilingani haqida xabar qildi.