22:14 / 01.03.2020
0
4658
Коронавирус: Diamond Princess кемасидан барча одамлар туширилди. Лувр музейи номаълум муддатга ёпилди 

Японияда 2 ҳафта карантинда турган Diamond Princess круиз лайнеридан охирги одамлар туширилди. Шунингдек, коронавирус сабабли дунёнинг энг кўп ташриф буюрилувчи Лувр музейи номаълум муддатга ёпилди.

Фото: EPA

1 март куни круиз лайнерини экипажнинг 130га яқин аъзоси тарк этган. Экипаж аъзоларининг кемадан эвакуация қилиниши 26 февралда бошланганди. Эвакуация қилинганлар Япониянинг Сайтама префектурасида жойлашган шифохонага 2 ҳафталик карантинга жойлаштирилади. Агар уларнинг такрорий таҳлиллари ҳам вирус йўқлигини кўрсатса, уйларига қўйиб юборилади.    

Бундан ташқари, кемани дезинфекция қилиб, техник хизмат кўрсатиш учун верфга юбориш режалаштирилган. 

Шунингдек, дунёнинг энг кўп ташриф буюрилувчи музейи - Париждаги Лувр музейи ҳам коронавирус сабабли ўз ишини тўхтатди. Бу ҳақда музей матбуот хизмати хабар қилди.

Ҳар йили бир неча миллион киши ташриф буюрувчи музейнинг вакиллари етказилган ноқулайликлар учун узр сўрашган ва вазиятнинг ривожланиши ҳақида хабар қилиб туришларини айтишган.

Айни вақтда Францияда коронавирусга чалинганлар сони 100дан кўпроқни ташкил қилмоқда. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top