08:06 / 10.03.2020
0
8540
Нукусда «Нексия» ва трактор тўқнашди, икки киши ҳалок бўлди

Нукусда “Нексия” ва трактор иштирокида тўқнашув содир бўлди

Фото: ИИВ ЙҲХББ ахборот хизмати

Жорий йилнинг 9 март куни соат 09:00ларда, Қорақалпоғистон Республикаси, Нукус шаҳри, "Телецентр" ОФЙ ҳудудидан ўтган ички автомобиль айланма йўлида ҳайдовчи К.Х. “FN 953 LOBOL” русумли тракторни бошқариб кетаётган бўлган.

Ўзбекистон Республикаси ИИВ ЙҲХББ ахборот хизмати хабарига кўра, у чап томонга бурилаётган вақтида ушбу йўналишда унинг ортидан ҳаракатланиб келаётган ҳайдовчи (шахсига аниқлик киритилмоқда) бошқарувидаги “Нексия” русумли транспорт воситасида тракторга бориб урилган.

Натижада, “Нексия” автомашинаси ҳайдовчиси ва йўловчиси воқеа жойида вафот этган. Ёнғин чиқиши оқибатида “Нексия” автомашинаси ёниб кетган.

Мазкур ҳолат юзасидан суриштирув ишлари олиб борилиб, вафот этган фуқаролар шахсига аниқлик киритилмоқда.

“Ҳурматли йўл ҳаракати иштирокчилари, йўлларда ҳаракатланганда “Йўл ҳаракати қоидалари”га амал қилишингизни сўраб қоламиз”, - дейилади маълумотда. 

Ушбу хабарга фикрингизни билдиринг. Бунинг учун авторизациядан ўтишингиз керак!
Top