«U vaqtincha uydan ishlaydi» - Kanada bosh vaziri karantinga olindi

Ma'lum bo‘lishicha, Tryudoning rafiqasi Sofi Tryudo Buyuk Britaniyadan qaytganidan so‘ng unda koronavirus alomatlari sezilgan. Shifokorlar tezda birinchi xonimdan analiz olib test natijalarini kutmay bosh vazirdan ham analiz olishgan. Tryudoning shifokorlari unga ma'lum vaqt davomida karantinda bo‘lishni tavsiya qilgan.

BREAKING: Prime Minister @JustinTrudeau and his wife Sophie Grégoire Trudeau are self-isolating after Sophie began exhibiting mild-flu like symptoms last night. The Prime Minister is not experiencing symptoms, but is self-isolating out of an "abundance of caution." #cdnpoli pic.twitter.com/zRVYzuNgx1

— Power & Politics (@PnPCBC) March 12, 2020

«Bosh vazir karantinda bo‘lgan vaqtida mamlakat rahbari lavozimidagi ishlarni davom ettiradi va uydan ishlaydi. U ko‘rsatmalarni telefon orqali berib boradi»,— deyiladi Kanada televideniyesida berilgan xabarda.

Tryudoda koronavirus alomatlari aniqlanmagan, ammo xavfsizlik nuqtai nazaridan prezident administratsiyasi shunday qarorga kelgan. Ma'lumot uchun, 48 yoshli Jastin Tryudo sobiq teleboshlovchi Sofi Greguar bilan 2005 yilda turmush qurgan. Oilaning uch nafar farzandi bor.