17:34 / 25.03.2020
5847
Кобулдаги ибодатхонага ҳужум вақтида 25 киши ҳалок бўлди

25 март куни Афғонистон пойтахти Кобулда сикхлар ибодатхонасига жангарилар томонидан ҳужум содир этилиши оқибатида камида 25 киши ҳалок бўлди.

Фото: AFP

Бу ҳақда Tolo News телеканали хабар берди.  

Яна 8 киши яраланган, 80 киши қутқарилган. Ҳужум эрталаб содир этилган. Жангарилар дастлаб портловчи қурилмани ҳаракатга келтирган, сўнгра отишма бошлаган.   

Маълум қилинишича, ҳужумни содир этган 4 жангарининг барчаси 6 соатга яқин давом этган махсус амалиёт давомида йўқ қилинган.

Ҳужум учун жавобгарликни ИШИД ўз зиммасига олган.

Top