BAA koronavirusga qarshi kurashda Suriyaga yordam berishga va'da berdi

Abu-Dabi amirligi valiahdi Muhammad bin Zoid Ol Nahayon Suriya prezidenti Bashar Asad bilan telefon orqali suhbatlashib, unga koronavirusga qarshi kurashda yordam berishga va'da berdi.

Foto: REUTERS/Khalil Ashawi

Bu haqda Ol Nahayonning o‘zi tvitterda ma'lum qilgan.

“Suriya prezidenti Bashar Asad bilan koronavirus epidemiyasi oqibatlarini muhokama qildim va unga BAA qardosh Suriya xalqini bu sharoitda qo‘llab-quvvatlashiga va ko‘maklashishiga va'da berdim. Ofatlar vaqtida umuminsoniy birdamlik hammasidan ustun va qardosh Suriya bu og‘ir sharoitlarda yakkalatib qo‘yilmaydi”, deb yozgan Abu-Dabi valiahdi.

BAA 2018 yil dekabrda Fors ko‘rfazi davlatlaridan birinchi bo‘lib Suriya bilan diplomatik aloqalarni tiklagandi va 2012 yildan beri yopiq bo‘lgan elchixonasini qayta ochgan.