14:06 / 30.03.2020
7557

Karantin davrida xususiy shifoxonalarning ishlab turishi juda muhim – Nurmat Otabekov

Shu boisdan xususiy tabbiyot muassasalari avtomobillarining harakatlanishiga hech qanday cheklov o‘rnatilmagan.

Foto: KUN.UZ

Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Otabekov xususiy tibbiyot muassasalarining karantin davridagi faoliyatiga to‘xtalib o‘tdi, deb xabar bermoqda Kun.uz muxbiri.

«Karantin davrida xususiy tibbiyot muassasalari faoliyatini to‘xtatish bo‘yicha hech qanday ko‘rsatma berilgani yo‘q.

Agar xususiy klinikilar faoliyatini to‘xtatadigan bo‘lsak, hamma davlatga tegishli tibbiyot muassasalariga yugurib boradi. Natijada davlat klinika va shifoxonalaridagi yuklamalar miqdori ko‘payib ketadi. Shuning uchun ham karantin davrida barcha xususiy tibbiyot muassasalari ishlashi shart.

Uyga chaqiruv masalasiga kelsak, bu fuqaro va xususiy klinikalar o‘rtasidagi kelishuvga bog‘liq. Buning uchun fuqaro xususiy klinikalarga qo‘ng‘iroq qilishi, uyga chaqiruv shartlarini kelishishi kerak.

Karantin davrida xususiy tibbiyot muassasalari avtomobillarining harakatlanishiga hech qanday cheklov o‘rnatilmagan», dedi Nurmat Otabekov 30 mart kungi brifingda.

Mavzu
Koronavirus O‘zbekistonda
15 mart kuni O‘zbekistonda koronavirusga chalingan ilk bemor aniqlandi.
Barchasi
Top