Xususiy laboratoriyalarga ham koronavirusni aniqlash uchun ruxsat berildi – Nurmat Otabekov

“Kechagi kungacha O‘zbekistonda faqat maxsus laboratoriyalardagina koronavirus infeksiyasiga tashxis qo‘yish mumkin edi. Bundan laboratoriyalarning soni respublika bo‘yicha 16 tani tashkil etardi.

Kechadan boshlab xususiy laboratoriyalarda ham koronavirusni aniqlash uchun tadqiqotlar o‘tkazilishiga ruxsat berildi. Buning uchun xususiy laboratoriyalarda kerakli sharoitlari bo‘lishi zarur.

O‘zida koronavirus bor-yo‘qligini tekshirtirmoqchi bo‘lgan shaxslar qon topshirishga pasport bilan borishlari talab etiladi. Chunki virusga test topshirganlar ro‘yxatga olinadi. Bundan tashqari, tekshiruv natijasini xabar qilish uchun telefon raqamingiz ham yozib olinadi”, deb aytgan Nurmat Otabekov.

Mutasaddining ta'kidlashicha, davlat laboratoriyalarida koronavirus bor-yo‘qligini aniqlab beruvchi tahlillar bepul. Xususiy laboratoriyalarda esa buning uchun belgilangan tariflar asosida haq undiriladi. Tekshiruv natijalarini 1 sutka davomida olish mumkin

Canitariya-epidemiologiya nazorati davlat inspeksiyasi boshlig‘i avvalroq xususiy klinikalar koronavirus tashxisini qo‘yish uchun jalb qilinmaganini ma'lum qilgan edi.