Qoʻshimcha funksionallar
-
Tungi ko‘rinish
Tramp AQShda koronavirus epidemiyasi eng yuqori darajaga qachon chiqishi mumkinligini aytdi
AQSh hukumati koronavirus tarqalishiga qarshi hech qanday choralar ko‘rmaganda, virusdan 2 mlndan ko‘proq amerikalik o‘lgan bo‘lardi. AQSh prezidenti Donald Trampning ta'kidlashicha, shu sababli koronavirusdan 100 mingdan 200 minggacha amerikalikning o‘lishini yaxshi natija deb atash mumkin.
Foto: AP Photo/Patrick Semansky
“Agar biz o‘limlar sonini 100-200 minggacha kamaytira olsak, demak biz yaxshi ishlagan bo‘lamiz”, deb aytgan Tramp va ba'zi prognozlarga ko‘ra o‘limlar soni 2,2 mlngacha yetishi mumkinligini eslatib qo‘ygan.
Oq uy rahbari AQShda koronavirusdan o‘lim eng yuqori darajaga ikki hafta ichida yetishini, mamlakat pandemiyadan keyin 1 iyundan tiklana boshlashini kutayotganini aytgan.
Tramp, shuningdek, koronavirus pandemiyasiga qarshi choralarni 30 aprelgacha uzaytirishga qaror qilgan.
AQSh prezidentining ta'kidlashicha, AQShda koronavirusdan o‘lim holatlari 12 apreldan keyin kamaya boshlashi kerak.
Prezident barcha amerikaliklarning shifokorlar tavsiyalariga amal qilishlari muhimligini ta'kidlab o‘tgan.
“G‘olib bo‘lishdan oldin o‘zini g‘olib deb e'lon qilishdan yomonrog‘i yo‘q”, deb aytgan Tramp.
Ayni vaqtda AQSh kasallanganlar soni bo‘yicha dunyoda 1-o‘ringa chiqdi. Mamlakatda koronavirusdan kasallanganlar soni 142 ming nafarni, vafot etganlar soni deyarli 2,5 ming nafarni tashkil qilmoqda.
Koronavirus
Mavzuga oid
23:36 / 22.01.2026
Tramp Grenlandiyani sotib olmoqchi – AQSh tarixda ko‘plab hududlarni sotib olgan
23:29 / 22.01.2026
Trampning kuyovi Kushner kurort va osmono‘par binolariga ega «Yangi G‘azo» rejasini namoyish etdi
21:23 / 22.01.2026
"Oskar" kinomukofotiga nomzodlar e’lon qilindi
20:32 / 22.01.2026